Zaj nyeem hnub tim 16 lub 2 hlis 2023 (Daily reflection)

ZAJ NYEEM HNUB TIM 16 LUB 2 HLIS, HNUB TSIB LUB LIS PIAM 6 CAIJ NYOB NRUAB XYOO 
COV LUS NYOB HAUV MAS KOS NTAWV MOO ZOO (MK 8: 27-33)

Kwv tij Hmoob sawv daws, thaum Huab Tais Yes Xus qhia rau cov thwj tim tias muaj ib hnub mas nws yuav raug cov loj ntes coj must sim txog thiab tua tuag, tab sis kom lawv tso siab vim nws yuav sawv rov los. 
Pob Zeb hnov mas nws poob siab thiab ntxhov siab vim nws nyiam Huab Tais Yes Xus, nws tsis xav kom Huab Tais Yes Xus rauig txom nyem, yog li Pob Zeb thiaj cheem Huab Tais Yes Xus. Pob Zeb xav tias qhov nws ua mas ntshai Huab Tais Yes Xus yuav khuas, tab sis tsis yog. Huab Tais Yes Xus tsa ncauj cem Pob Zeb tias Pob Zeb cov lus yog tuaj ntawm dab phem tuaj, tsis yog Tswv Ntuj cov lus.
Kwv tij Hmoob sawv daws, muaj ntaus zaus peb yeej ntsib xws li Pob Zeb tiag. Peb ua siab dawb paub cheem lwm tus, tab sis zoo li lawv tsis mloog peb. Peb puas yuav tu siab? Tej zaus kuj tsim nyog tu siab thiab yuad!
Tab sis mas cov kwv tij, ua ntej yuav tu siab los tsis tu siab, mas xav kom peb coj los xav zoo zoo, saib qhov peb cheem ntawd yog vim peb hlub lawv dhau es peb thiaj cheem los yog vim peb txoj kev ntshai.
Peb yuav muab coj los xav saib yam lawv txiav siab yuav ua ntawd, yog yam tsim nyog ua, los tsis tsim nyog ua.
Muaj ib leej niam muaj tib tug tub xwb, muaj ib hmos nyob hauv lawv lub zos raug xwv txheej loj, ces nws hnov lub sua hu kom pab, nws qhib qhov rooj yuav tawm mus pab cov neeg thov kev pab ntawd. Tus niam pom tias yog nws tus tub tawm mus, mas xyov puas yuav rov los tau lawm, ces tus niam thiaj cheem tsis pub tus tub tawm mus li. 
Leej niam ua npaum cas los tus tub lub siab tsis nqig, nws muab leej niam thawb vau hlo hauv pem teb, nws dhia tawm mus pab cov neeg tab tom raug txom nyem loj ntawd. Nws pab tau lawv dim tas, tab sis nws tsis muaj sia nyob ntxiv.
Nyob zoo sawv daws.