Zaj nyeem hnub tim 17 lub 8 hli 2023 (Daily reflection)

ZAJ NYEEM HNUB TIM 17 LUB 8 HLI, HNUB TSIB LUB LIS PIAM 19 CAIJ NYOB NRUAB XYOO

COV LUS NYOB HAUV MAS TAIS NTAWV MOO ZOO (MT 18: 21-19: 1)

Kwv tij Hmoob, Pob Zeb nug Huab Tais Yes Xus txog kev zam txim, mas Huab Tais Yes Xus teb Pob Zeb tias yuav tsum zam txim mus li vim tias Huab Tais Leej Txiv yog tus Tswv Ntuj hlub thiab khuv leej neeg, Tswv Ntuj ua siab ntev thiab zam neeg cov txhaum, tab sis Huab Tais Leej Txiv kuj tseem yog tus Tswv Ntuj rau txim rau neeg raws li  neeg tau ua txhaum thiab. Yog li mas thaum peb tsis zam rau lwm tus, Tswv Ntuj thiaj yuav tsis zam rau peb xws li zaj paj lug Huab Tais Yes Xus tau muab coj los hais qhia Pob Zeb thiab cov thwj tim mloog nws hauv hnub no.
Kwv tij, peb yuav tau muab kev hlub kev nyiam saib ua qhov loj, mas peb thiaj yuav zam tau rau tus ua tsis zoo rau peb, peb yuav cim rau nruab siab tias tas niaj tas xyoo peb tau ua txhaum ntau yam rau Tswv Ntuj, tsis Kav Tswv Ntuj ua siab ntev zam rau peb. Li ntawd, peb thiaj yuav zam rau lwm tus, thiab tig los yuav lub siab tshiab txhob coj tus yam ntxwv tsis phim ua Tswv Ntuj haiv neeg, ua tsis xis Tswv Ntuj siab ntxiv.

Nyob zoo sawv daws.