ZAJ NYEEM HNUB TIM 2 LUB 10 HLI 2020

HWM NTUJ COV TSHIAB POV HWM NEEG.
Leej twg yog tus loj dua. (MT 18 : 1 – 5,10)
Lub caij ntawd cov thwj tim los cuag Yes Xus, lawv hais rau nws tias : “Leej twg yog tus loj dua nyob hauv Ntuj lub Ceeb Tsheej ?” 
Yes Xus hu ib tug me nyuam los ntawm nws, nws coj tus me nyuam los nyob hauv nruab nrab lawv, nws hais tias : “Kuv hais tseeb rau nej, yog nej tsis hloov rov los ua xws li ib co me nyuam, mas nej yuav mus tsis tau hauv Ntuj lub Ceeb Tsheej. 
Leej twg rov saib nws me xws li tus me nyuam no, tus ntawd yog tus loj dua nyob hauv Ntuj lub Ceeb Tsheej. 
Leej twg txais ib tug me nyuam zoo li tus no, vim kuv lub npe, mas yog nws txais kuv.
Nej ceev faj, tsis txhob thuam ib tug me nyuam yaus li : kuv hais rau nej li ntawd, vim nyob saum ntuj, cov Tshiab zov lawv ntsia ntsoov kuv Txiv nyob saum ntuj lub ntsej muag mus li.”