Zaj nyeem hnub tim 2 lub 12 hlis 2023 (Daily reflection)

ZAJ NYEEM HNUB TIM 2 LUB 12 HLIS, HNUB XYA LUB LIS PIAM 34 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 21: 34-36)

Kwv tij Hmoob sawv daws, hnub no peb tau nrog Huab Tais Yes Xus taug kev ua ke los txog hnub kawg hauv lub xyoo teev Ntuj xyoo no lawm. Tag kis peb yuav pib lub xyoo tshiab, peb kuj yuav rov nrog Huab Tais Tswv Ntuj taug kev mus ua ke ntxiv. Hnub no Huab Tais Yes Xus ntuas peb kom txhob muab siab ib rau ntiaj teb kev ntxias, Huab Tais Yes Xus hais tias “Nej ceev faj mog, kom nej lub siab txhob qaug rau txoj kev phem kev tsis zoo, rau kev luab cawv kom qaug, thiab rau lub neej tej kev txob xeeb. 
Kwv tij Hmoob, Huab Tais Yes Xus tseem ntuas peb kom ua li no “Nej ua ib co neeg feeb meej, nej teev Ntuj tsis tseg, nej thiaj yuav muaj zog hla dim ib puas tsav yam uas yuav tshwm sim tuaj, nej thiaj yuav sawv taus ntsug ntawm Neeg Leej Tub xub ntiag.”
Kwv tij, nyob rau lub xyoo teev Ntuj tshiab yuav tuaj txog no, thov kom nej sawv daws ua raws li Huab Tais Yes Xus cov lus ntuas hauv hnub no mog. 
Nej yuav ua neeg feeb meej, nej yuav teev Ntuj tsis tseg. 
Nyob zoo sawv daws.