Zaj nyeem hnub tim 2 lub 2 hlis 2023 (Daily reflection)

ZAJ NYEEM HNUB TIM 2 LUB 2 HLIS 2023 HNUB UA HMOOV CEV YES XUS HAUV LUB TUAM TSEV TEEV NTUJ
COV LUS NYOB HAUV LUS KAS NTAWV MOO ZOO (LK 2: 22-32)

Kwv tij Hmoob sawv daws, hnub no yog hnub Koom Txoos ua hmoov cev Yes Xus rau Tswv Ntuj hauv lub Tuam Tsev Teev Ntuj. Hnub no kuj zoo qhia rau peb tias yam twg peb cev rau Tswv Ntuj lawm, yuav yog Tswv Ntuj tug mus li, yuav yog yam ntshiab. Mab Liab thiab Yos Xes ntseeg tias nkawd tus me nyuam yeej yog tus ntshiab txij lub hauv paus los vim nkawd tus me nyuam tuaj ntawm Tswv Ntuj tuaj. Tab sis nkawd tsis to taub yav tom ntej nkawd tus me nyuam yuav cawm tas ntiaj teb neeg, yuav ua lub teeb pom kev rau lub ntiaj teb. Yog li tus yawg laus Xis Mes Oos thiaj tsa suab hais cov lus ua pov thawj tias “kuv qhov muag tau pom koj txoj kev cawm neeg uas koj npaj nyob ntawm ib tsoom haiv neeg xub ntiag, yog qhov pom kev tawm tuaj kaj cov pej kum haiv neeg.”
Nyob zoo sawv daws.