ZAJ NYEEM HNUB TIM 20 LUB 10 HLI 2020

LIS PIAM 29 CAIJ NRUAB XYOOS.
Npaj kom txhij tos tus tswv rov los. (LK 12 : 35-38)

Yes Xus hais rau cov thwj tim tias : “Nej sia siv thiab taws teeb, zoo li ib co tub txib uas tos lawv tus tswv mus ua tshoob rov los. Thaum tus tswv rov los txog, nws yuav khob qhov rooj, ces lawv yuav qhib rau nws tam sis ntawd.

Cov tub txib uas thaum tus tswv los txog, nws pom lawv tseem zov hmo, mas lawv txoj hmoov zoo. Kuv hais tseeb rau nej, tus tswv yuav sia siv, yuav kom cov tub txib ntawd zaum ntawm rooj mov, nws yuav rau mov rau lawv noj.

Txawm tias, tus tswv los txog thaum ib tag hmo los thaum qaib qua, yog nws pom zov hmo zoo li ntawd, mas cov tub txib txoj hmoov zoo!”