ZAJ NYEEM HNUB TIM 20 LUB 11 HLI 2020

LIS PIAM 33 CAIJ NRUAB XYOOS

Yes Xus ntiab cov tub luam tawm hauv lub Tuam Tsev Teev Ntuj (LK19 : 45 – 48)

Yes Xus chaws mus hauv lub Tuam Tsev Teev Ntuj, nws ntiab cov neeg muag toob xib, nws hais rau lawv tias : "Ntawv sau hais tias : Kuv lub tsev yog tsev teev Ntuj, tab sis nej muab ua ib lub qhov tsua rau tub sab nkaum."

Yes Xus niaj hnub qhia nyob hauv lub Tuam Tsev Teev Ntuj. Cov Thawj Leej Choj, cov Kws Ntawv Ntshiab, thiab pej xeem cov thawj coj nrhiav ib txog kev muab nws tua. Tab sis lawv nrhiav tsis tau tias lawv yuav ua dab tsi, vim tsoom pej xeem mloog nws thiab dai dhuam rau nws lub ncauj.