Zaj nyeem hnub tim 20 lub 4 hlis 2023 (Daily reflection)

ZAJ NYEEM HNUB TIM 20 LUB 4 HLIS, HNUB TSIB LUB LIS PIAM 2 CAIJ HLA
COV LUS NYOB HAUV ZAM NTAWV MOO ZOO (Z 3: 31-36)

Cov kwv tij, tus neeg ntseeg txog Yes Xus yuav tsum ua tim khawv txog Yes Xus rau lwm tus, nws yuav tsis ntshai tsam nws plam txoj sia, vim tias tus twg tsis lees ntseeg txog Yes Xus, mas peb ntseeg tias thaum lub ntiaj teb kawg nws yuav poob mus nyob hauv dab phem teb. Tus neeg ntseeg thiab ua tim khawv txog qhov nws ntseeg mas Tswv Ntuj yuav txais mus nyob pem Tswv Ntuj lub Ceeb Tsheej, ces nws lub paj tshab yog txoj sia nyob mus li.
Yog vim li ntawd, mas thaum Pob Zeb thiab cov Hauv Paus Xa Lus raug ntes thiab txwv tsis pub kom lawv tshaj txog Yes Xus lub npe, lawv thiaj muaj cuab kav hais rau cov txwj laus tias “Peb yuav tsum ntseeg Tswv Ntuj dua ntseeg tib neeg.”
Kwv tij, peb ua neej nyob mas peb yuav tau hais qhov tseeb rau luag tej, peb yuav tsis zais los yog hais cov lus cuav dag rau luag. Huab Tais Yes Xus yog qhov tseeb, yog li mas peb thiaj yuav hais txog Huab Tais Yes Xus rau lwm tus.
Nyob zoo sawv daws.