ZAJ NYEEM HNUB TIM 22 LUB 5 HLIS 2020

Lis Piam 6 Caij Hla.
Tsis ntev yuav rov qab zoo siab dua. (Z 16 : 20 – 23)
Yes Xus rov hais tias : “Kuv hais qhov muaj tseeb tiag rau nej tias nej yuav quaj thiab nej yuav seev, hos lub qab ntuj neeg yuav zoo siab. Nej yuav tu siab, tab sis nej txoj kev tu siab yuav hloov ua kev zoo siab. Thaum ib tug poj niam daws cev, mas nws ntxhov siab, vim txog caij lawm. Tab sis thaum nws yug nws tus me nyuam lawm, nws tsis nco ntxhov siab, rau qhov tias ib tug neeg yug los nyob hauv lub qab ntuj no lawm. Nej kuj zoo li ntawd : Nyem no nej ntxhov siab, tab sis kuv yuav rov pom nej dua, ces nej lub siab yuav kaj. Yuav tsis muaj leej twg rhuav tau nej txoj kev kaj siab. Hnub ntawd, nej yuav tsis nug kuv txog dab tsi ntxiv lawm.