ZAJ NYEEM HNUB TIM 23 LUB 4 HLIS 2020

Lis Piam 2 Caij Hla.
Zam ua tim khawv txog Yes Xus. (Z 3 : 31-36)
Zam teb rau nws cov Thwj Tim tias : “Tus tuaj saum txheej saud tuaj, nws nyob siab dua sawv daws. Tus tuaj hauv ntiaj teb tuaj, nws yog ntiaj teb tug, nws hais txog tej yam nyob ntiaj teb. Tus tuaj saum ntuj tuaj, nws ua tim khawv txog qhov nws pom thiab nws hnov, tab sis tsis muaj leej twg txais nws cov lus tim khawv. 
Tus uas txais nws cov lus tim khawv, nws lees meej tias Tswv Ntuj yog tus tseeb. Tus uas Tswv Ntuj xa tuaj, nws hais Tswv Ntuj cov lus, vim Tswv Ntuj pub Leej Ntuj Plig tsis xuas dab tsi luj. Leej Txiv nyiam Leej Tub, nws tso tas ib puas tsav yam rau hauv Leej Tub txhais tes. Tus ntseeg txog Leej Tub, mas nws muaj txoj sia nyob mus li. Hos tus tsis kam ntseeg txog Leej Tub, nws yuav tsis pom txoj sia, ces Tswv Ntuj lub siab npau taws yuav nyob saum nws.”