Zaj nyeem hnub tim 24 lub 3 hlis 2023 (Daily reflection)

ZAJ NYEEM HNUB TIM 24 LUB 3 HLIS, HNUB RAU LUB LIS PIAM 4 CAIJ PLAUB CAUG
COV LUS NYOB HAUV ZAM NTAWV MOO ZOO (Z 7: 1-2, 10, 25-30)

Cov kwv tij, muaj coob leej nrhiav kev ntes Huab Tais Yes Xus, tab sis Huab Tais Yes Xus tsis ntshai, yam Huab Tais Yes Xus ntshai mas yog tsam nws tsis tau ua txoj hauj lwm Tswv Ntuj pub kom nws ua, yog tshaj lub Moo Zoo rau zeej tsoom. Li ntawd, hnub nqaum paj nqaum nruas tsav tsev tsam phooj, Huab Tais Yes Xus thiaj mus hauv lub Tuam Tsev Teev Ntuj thiab pib qhia lub Moo Zoo rau sawv daws.
Kwv tij Hmoob sawv daws, nyob hauv peb lub neej mas peb txhob muab kev ntshai saib loj dhau, ces ua rau peb tso peb txoj hauj lwm tseem ceeb pov tseg.
Peb ua dab tsi los xij, peb yuav txawj tso siab tias muaj Tswv Ntuj ua tus pov hwm peb, coj peb kev. Txawm raug xwv txheej los teeb meem li cas, mas peb yuav zoo siab hlo txais. Vim tias tej xwm phem tuaj nphav peb ntawd yog peb tus ntoo cuam coj peb mus ntsib Tswv Ntuj, yog Tswv Ntuj lub txiaj ntsim pub rau peb.
Nyob zoo sawv daws.