Zaj nyeem hnub tim 29 lub 11 hlis 2023 (Daily reflection)

ZAJ NYEEM HNUB TIM 29 LUB 11 HLIS, HNUB PLAUB LUB LIS PIAM 34 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 21: 12-19)

Kwv tij Hmoob sawv daws, nag hmo cov thwj tim qhuas txog lub Tuam Tsev Teev Ntuj zoo nkauj, ces Huab Tais Yes Xus ntuas lawv kom ceev faj txhob pub leej twg tuaj ua kom lawv yuam kev. Huab Tais Yes Xus muab neeg lub cev piv rau lub Tuam Tsev Teev Ntuj uas muaj ib hnub yuav raug rhuav. Hnub no Huab Tais Yes Xus hais txog cov thwj tim tias lawv yuav raug xwv txheej loj tab sis kom lawv ua siab ruaj txog Huab Tais Yes Xus, lawv tsis txhob txhawj. 
Kwv tij Hmoob, tsis yog cov Hauv Paus Xa Lus xwb thiaj yuav raug xwv txheej zoo li ntawd. Peb sawv daws nyob ntiaj teb no puav leej raug xwv txheej, peb puas leej raug teeb meem hauv lub neej. Thaum peb ntsib xwv txheej, raug teeb meem mas thov kom peb ruaj siab rau peb kev ntseeg, peb tso siab rau Huab Tais Yes Xus. Peb cev cov xwv txheej cov teeb meem ua txi rau Tswv Ntuj xws li peb paub tias Huab Tais Yes Xus yog Tswv Ntuj Leej Tub, tsis kav nws zoo siab ris kev txom nyem, nws tsis yeem ua hwj huam kom txhob raug txom nyem.
Peb pom tias tas nrho Huab Tais Yes Xus cov thwj tim mas lawv sawv daws puav leej raug txom nyem, raug tsim txom, tsis kav lawv ua siab ruaj thiab tso siab rau Huab Tais Yes Xus tsis tseg. Peb kuj yuav ua li ntawd. Nyob zoo sawv daws.