Zaj nyeem hnub tim 29 lub 9 hli 2023 (Daily reflection)

ZAJ NYEEM HNUB TIM 29 LUB 9 HLI, HNUB UA HMOOV PEB TUG THAWJ TSHIAB MIV KAS, KAS NPLIAS, LAS FAIS
COV LUS NYOB HAUV ZAM NTAWV MOO ZOO (ZM 1: 47-51)

Kwv tij Hmoob sawv daws, hnub no peb lub Koom Txoos ua hmoov Tswv Ntuj 3 tug Thawj Tshiab; yog Miv Kas, Nkas Nplias, thiab las Fais.
Miv Kav yog tus Tshiab ntaus rog nrog cov dab ntxias neeg, Nkas Nplias yog tus xa Tswv Ntuj kev xyiv fab tauj rau ntiaj teb neeg, hos Las Fais yog tus ua kwv luag. Li ntawd, hnub no peb cov ntseeg yuav vam txog lawv 3 leeg tuaj pab peb kom muaj zog tawm tsam dab phem kev haub ntxias, kom peb muaj cuab kav tawm mus tshaj Tswv Ntuj kev nyiam kev xyiv fab rau lwm tus, thiab kom peb zoo siab pab peb cov kwv tij xws li 3 tug Thawj Tshiab no.
Kwv tij, lub Moo Zoo hauv hnub no mas peb yuav rov tau nyeem cov lus hauv tus Hauv Paus Zam phau ntawv Moo Zoo, zaj piav txog thaum Nas Tas Nais tus ntsib Huab Tais Yes Xus. Huab Tais Yes Xus hais rau Nas Tas Nais tias nws twb xub pom Nas Tais Nais ua ntej lawm thaum Nas Tas Nais nyob hauv tsob qab ntoo txiav ncuav pias.
Kwv tij, raws li cov Yus Das ua kam, mas thaum lawv xav ntuas siab los yog lawv xav nyob ntsig ntsiag thov Ntuj mas lawv yuav mus zaum hauv tsob qab ntoo txiav ncuav pias vim lawv hais tias ntoo txiv ncuav pias yog tsob ntoo cav txog kev thaj yeeb. Yog li ntawd, mas Huab Tais Yes Xus cov lus thiaj yog tab tom hais rau Nas Tas Nais tias “Thaum koj zaum thov Ntuj thiab koj nyob ntsiag ntsiag ntuas koj siab, mas thaum ntawd kuv twb tuaj nrog koj nyob, ntsia ntsoov koj thiab mloog koj cov lus thov.”
Kwv tij, thaum ntawd mas Nas Tas Nais paub tias Huab Tais Yes Xus yog Tswv Ntuj Leej Tub, yog His Xas Lais tus vaj tiag.
Kwv tij, peb yuav nquag teev Ntuj thiab nrhiav chaw ntsiag to nrog Tswv Ntuj sib tham txhua hnub mog.
Nyob zoo sawv daws.