Zaj nyeem hnub tim 31 lub 7 hli 2023 (Daily reflection)1 aug vdo web

ZAJ NYEEM HNUB TIM 31 LUB 7 HLI, HNUB NCO TXOG LEEJ NTSHIAB IS NAS XYUS LOS YOS LAS
COV LUS NYOB HAUV MAS TAIS NTAWV MOO ZOO (MT 13: 31-35)

Cov kwv tij Hmoob, Huab Tais Yes Xus hais tias “Ntuj lub Ceeb Tsheej zoo li ib lub noog zaub roj me tshaj txhua hom noob, tab sis thaum hlob tuaj, nws loj dua txhua hom zaub. Ntuj lub Ceeb Tsheej zoo li ib co poov xab ua kom ib pawg hmoov nplej su tuaj.”
Peb yuav muab Huab Tais Yes Xus ob lo lus no txhais zoo li cas?
Kwv tij, Huab Tais Yes Xus xav qhia peb tias tej yam me me, neeg saib zoo li tsis muaj nqis, tsis tseem ceeb; tab sis yog peb muab ua tib zoo saib peb yuav pom tias yam ntawd yog yam muaj nqis tshaj plaws, tseem ceeb rau coob leej. Ntuj lub Ceeb Tsheej kuj yog zoo li ntawd, neeg feem coob tsis nco qab pom txog, muaj tsawg leej thiaj yuav ntsia pom.
Yog muab piv rau kev ua zoo thiab ua phem. Neeg yeej yuav pom kev ua phem ntau dua thiab neeg nyiam ua phem dua ua zoo. Tab sis kev ua zoo yuav muaj nqis rau coob leej dua kev ua phem.
Muab piv rau Huab Tais Yes Xus cov lus, tus ua raws yeej muaj tsawg dua tus sis liam fab rau mloog.
Li ntawd mas cov kwv tij, txawm tias peb nyob hauv lub zwj ceeb neeg lub siab lub tswv yim ib rau kev phem, los peb txhob tso kev ua zoo pov tseg, txawm tias luag tej hiam peb, ntxub peb, los peb txhob tso kev sis nyiam sis hlub pov tseg mog. 
Ntuj lub Ceeb Tsheej yuav tuaj txog peb tau kawg peb txawj tsim kev sis nyiam sis hlub, tsim kev thaj yeeb xwb.
Nco ntsoov tias lub noob zaub roj me tshaj lwm cov noob, tab sis nws yuav hlob ua tsob ntoo loj tshaj cov rau tej me nas me noog tau chaw nkaum.
Nyob zoo sawv daws.