Zaj nyeem hnub tim 5 lub 8 hli 2023 (Daily reflection)1 aug vdo web

ZAJ NYEEM HNUB TIM 5 LUB 8 HLI, HNUB CEV LUB TUAM TSEV TEEV NTUJ XAAS TAS MAS LIAS MAS NTSIS OS LES 
COV LUS NYOB HAUV MAS TAIS NTAWV MOO ZOO (MT 14: 1-12)

Cov kwv tij Hmoob, lub Moo Zoo hnub no yog piav txog tus Ntxuav Plig Zam kev tuag, vim nws ntuas tus vaj Hes Los kom txhob yuav nws tus niam tij los ua nws poj niam, ces nws niam tij thiaj tsis txaus siab rau Zam, tsis yog Hes Los tsis txaus siab.
Tus niam tij uas yog Hes Lis Dias thiaj nrhiav tej lub zoo caij kom tau muab Zam tua pov tseg, ces thaum txog Hes Los hnub tsuj xeeb, lawv thiaj ua kev lom zem, hnub ntawd, Zam thiaj raug tua raws li peb hnov hauv lub Moo Zoo.
Kwv tij Hmoob sawv daws, qhov peb xav coj tuaj ntuas sawv daws mas yog qhov no: Zam Ntxuav Plig tsis ntshai qhia txoj kev ncaj rau tus neeg siab phem, vim Zam paub tias txawm nws raug tuag vim nws cov lus ntuas, los nws yuav tau mus nyob nrog Tswv Ntuj. Yog Zam ntshai tuag, nws kaw ncauj cia tsis kam ntuas Hes Los kom txhob ua qhov txhaum, mas nws paub tias nws yuav muaj sia nyob mus ntev me ntsis tab sis nws tus plig yuav tsis tau mus nrog Tswv Ntuj nyob.
Kwv tij, yog peb muab tig los piv rau peb, peb puas muaj cuab kav ntuas lwm tus kom lawv pom txog txoj kev ncaj, peb puas muaj cuab kav cheem lwm tus kom txhob ua qhov yuam kev?
Peb yuav thov Tswv Ntuj pub ib lub zog rau peb, pub lub peev xwm rau peb kom peb hlub txog lwm tus, mas peb thiaj yuav muaj cuab kav hais lawv thaum lawv xaiv ua tej yam tsis haum rau kev ncaj mog.
Tab sis kwv tij Hmoob, nco ntsoov tias peb ntuas tus neeg ntawd xwb, txhab txiav txim rau nws, mas Ntuj thiaj yuav tsis txiav txim rau peb.
Nyob zoo sawv daws.