Zaj nyeem hnub tim 6 lub 1 hlis 2023 (Daily reflection)

ZAJ NYEEM HNUB TIM 6 LUB 1 HLIS 2024 
HNUB XYA LUB CAIJ YES XUS YUG
COV LUS NYOB HAUV MAS KOS NTAWV MOO ZOO (MK 1: 7-11)
Cov kwv tij Hmoob sawv daws, hnub no lub Koom Txoos rov muab tus Ntxuav Plig Zam cov lus ua pov thawj txog Yes Xus tuaj rau peb mloog thiab ntuas siab dua.
Zam Ntxuav Plig hais tias Huab Tais Yes Xus yuav ntxuav sawv daws nyob hauv Leej Ntuj Plig Ntshiab. Zam tseem hnov ib lub suab nrov saum ntuj tuaj tias Yes Xus yog Tswv Ntuj Leej Tub, Yes Xus yog Tswv Ntuj qhov chaw zoo siab.
Kwv tij Hmoob, lub caij ntawd, Zam muab dej los ntxuav cov neeg hloov siab tshiab mas yog Zam xav ua ib lub cim tias dej yog yam neeg siv los yaum lub cev kom huv, mas thaum lawv ua kab ke ntxuav lawm, lawv yuav nco tias yog lawv tau ntxuav lawv lub tswv yim kom rov tshiab tuaj, tab sis yuav ntxuav tsis tau lawv tus plig. Tus yuav ntxuav tau neeg tus plig kom huv mas kawg yog Leej Pleev xwb, nws yuav ntxuav sawv daws nyob hauv Leej Ntuj Plig Ntshiab; yog nws muab nws cov ntshav los yaug neeg tus plig. 
Zam Ntxuav Plig ua pov thawj zeem tseeb tias Huab Tais Yes Xus yog Tswv Ntuj Leej Tub tiag, tsis yog ib tug neeg tau txais lub hwj chim tuaj ntawm Tswv Ntuj tuaj.
Kwv tij Hmoob sawv daws, peb paub li no lawm, tsim nyog peb yuav tig los ntseeg Yes Xus, mas peb tus plig thiaj yuav raug ntxuav kom ntshiab txaus chaws mus nyob hauv Ntuj lub Ceeb Tsheej.
Nyob zoo sawv daws.