Zaj nyeem hnub tim 8 lub 5 hlis 2023 (Daily reflection)

ZAJ NYEEM HNUB TIM 8 LUB 5 HLIS, HNUB OB LUB LIS PIAM 5 CAIJ HLA

COV LUS NYOB HAUV ZAM NTAWV MOO ZOO (Z 14: 21-26)

Cov kwv tij, hnub no nej hnov Huab Tais Yes Xus hais ntau zaus txog ‘tus nyiam Huab Tais Yes Xus’ thiab ‘tus Huab Tais Yes Xus nyiam’.

Huab Tais Yes Xus hais tias “tus nyiam kuv, mas nws muaj kuv cov lus qhia thiab nws coj rawv kuv cov lus qhia. Kuv thiab kuv Txiv yuav nyiam nws thiab.”

Kwv tij Hmoob, Huab Tais Yes Xus cov lus qhia yog dab tsi? 

Yog lo lus no “koj yuav muab tas koj lub siab, tas koj tus ntsuj plig, tas koj lub tswv yim los nyiam koj tus Huab Tais Tswv Ntuj. Koj yuav nyiam tus nyob ze koj ib yam li koj nyiam koj.”

Peb yuav nyiam Tswv Ntuj tau, mas yog peb tsum nyiam cov neeg nyob ib puag ncig peb. Li ntawd, yuav ua cas peb thiaj nyiam cov neeg nyob ib puag ncig tau?

Kawg yog peb pab cov neeg txom nyem, mus nrhiav cov neeg raug mob, hlub cov neeg raug xwv txheej, khuv leej cov neeg pluag, hais lo lus zoo, thiab mloog cov neeg quaj ntsuag lub suab hu.

Nyob zoo sawv daws.