ZAJ NYEEM NIAJ HNUB. Tim 10 lub 5 hlis 2022 (Daily reflection)

HNUB TIM 10 LUB 5 HLIS, HNUB PEB LUB LIS PIAM 4 CAIJ HLA

ยน 10:22-30

Cov kwv tij Hmoob, nej hnov Huab Tais Yes Xus hais tias ‘Kuv cov yaj mloog kuv lub suab, lawv raws nraim kuv.’

Leej twg thiaj yog Huab Tais Yes Xus cov yaj? Kawg yog tsoom neeg ntseeg txog nws, los peb hais tias ‘Cov Pleev’ los ‘Chistianity’ raws li cov neeg hauv As Nthias Kias tau hu.

Cov Pleev los cov neeg ntseeg txog Yes Xus tsis yog ib tsav los ib haiv neeg hais lus zoo xws tib yam, koom tib lub keeb, los yog nyob ua ib lub teb chaws. Tab sis Cov Pleev los yog cov neeg ntseeg txog Yes Xus, mas lawv yog cov neeg txais lub Cim Ntxuav, coj tus yam ntxwv xws li Huab Tais Yes Xus thiab raws nraim Huab Tais Yes Xus qab xws li cov yaj raws nraim tus tswv zov yaj.

Yog li mas kwv tij Hmoob sawv daws, peb cov tau lub npe tias ‘Cov Pleev’ mas peb thiaj yuav ua neej nyob hauv kev sib nyiam sib hwm, peb yuav ua neej nyob yam kaj siab lug thiab peb yuav tsim kev thaj yeeb nyab xeeb rau peb thiab lwm tus mog.

Nyob zoo sawv daws.