ZAJ NYEEM NIAJ HNUB. Tim 12 lub 5 hlis 2022 (Daily reflection)

HNUB TIM 12 LUB 5 HLIS, NCO TXOG LEEJ NTSHIAB NES LES OS THIAB AS KIS LAS

ยน 13:16-20

Kwv tij Hmoob sawv daws, yog nyob nyob muaj ib tug qhua tuaj txog hauv peb tsev, mas peb yuav saib xyuas tus qhua kom zoo, peb yuav nrog nws tham kom paub txog nws thiab nws lub luag hauj lwm tias nws tuaj ua dab tsi, leej twg xa nws tuaj.

Yog tus qhua tuaj zoo thiab yog nom tswv xa nws tuaj, mas peb yim zoo siab txais nws zoo. Tab sis yog nug mus nug los, pom tias nws yuav tuaj ua phem mas peb yuav pib ceev faj thiab tsis tshua xav txais nws los so hauv peb tsev.

Hnub no Huab Tais Yes Xus hais tias ‘Leej twg txais ib tug uas kuv xa mus, yog nws txais kuv. Leej twg txais kuv, mas yog nws txais Tswv Ntuj.’

Cov kwv tij, peb twb paub lawm tias Huab Tais Yes Xus yog tseem Tswv Ntuj khuv leej peb, nws yeem ua neeg kom tau tuag txhiv peb hauv txoj kev txhaum. Peb paub tias Huab Tais Yes Xus raug txiav txim tuag saum Ntoo Cuam, tab sis hnub peb nws sawv rov los, nws yog tus vaj yeej txoj kev tuag.

Li ntawd, mas peb thiaj yuav zoo siab hlo txais cov neeg Huab Tais Yes Xus xa tuaj tshaj nws lub Moo Zoo rau peb. Peb yuav nrog lawv tham, mloog lawv hais thiab kawm ntawm lawv mog.

Nyob zoo sawv daws.