ZAJ NYEEM NIAJ HNUB. Tim 15 lub 6 hlis 2022 (Daily reflection)

HNUB TIM 15 LUB 6 HLI, HNUB PLAUB LUB LIS PIAM 11 CAIJ NYOB NRUAB XYOOS
COV LUS NYOB HAUV MAS TAIS NTAWV MOO ZOO, ZAJ 6 QIB 1-6 NTXIV 16-18 HAIS TIAS ……

Kwv tij Hmoob sawv daws, hnub no nej hnov Huab Tais Yes Xus hais tias thaum peb ua ib yam hauj lwm zoo dab tsi, mas kom peb ceev faj tsam ib pliag yog peb lam ua kom tau ntsej muag xwb, tsis yog peb ua tawm hauv lub siab dawb paug los.
Nyob hauv niaj hnub no, peb pom tias muaj neeg coob coob, lawv muaj nyiaj muaj txiaj ntau, lawv muab lawv cov nyiaj los pub rau cov neeg txom nyem, lawv coj mus txhim tsa tej lub tsev teev hawm.
Muaj ib txhia, lawv ua li ntawd vim lawv xav tau ntsej muag, lawv xav tau koob tau npe, tau kev hwm ntawm lwm tus, ces lawv tej lag luam thiaj yuav loj ntxiv mus. Tab sis muaj ib txhia lawv yeej yog muaj lub siab dawb paug ua li ntawd tiag tiag, vim lawv khuv leej lwm tus, lawv hlub lawm tus thiab lawv muaj lub siab ntseeg tiag.
Kwv tij Hmoob, peb Hmoob yog ib haiv neeg pluag txom nyem, peb tsis muaj nyiaj muaj txiaj ntau txog qhov yuav thau los pab lwm tus cuag li ntawd. Qhov peb ua tau mas yog siv peb lub zog, lub tswv yim, los yog ua tej yam hauj lwm me me rau lwm tus xwb.
Kom peb nco ntsoov tias txawm tej yam me me li hais xwb los, kom peb ua tawm hauv siab los yam ncaj ncaj, txhob lam ua kom lwm tus pom, kom lwm tus cav lus zoo txog, kom tau lus qhuas mog.