ZAJ NYEEM NIAJ HNUB. Tim 18 lub 5 hlis 2022 (Daily reflection)

HNUB TIM 18 LUB 5 HLIS, NCO TXOG LEEJ NTSHIAB VAJ QHIA ZAM TIM 1

Kwv tij Hmoob sawv daws, Ntawv Moo Zoo nej tau hnov hauv hnub no, mas yog
ib zaj paj lug hais txog tsob txiv cawv thiab cov ceg. Peb Hmoob tsis cog txiv
cawv tab sis peb Hmoob ua teb cog txiv hmab txiv ntoo, xws li lim tsib, txiv txhais
los yog txiv nkhaus taw.
Yog nej cog txiv ntoo li hais, mas nej yuav pom tias yog tus ceg twg nej txuas tau
tsis zoo, mas tus ceg ntawd yuav qhuav ces thaum kawg yuav tuag mus ua tog
khaub lawm xwb.
Hnub no Huab Tais Yes Xus xav qhia peb tias nws zoo xws li tsob ntoo txiv, ntiaj
teb neeg zoo xws li cov ceg coj los txuas, cov txiv ces txawm yog peb cov hauj
lwm sib nyiam sib hlub.
Yog peb txuas tau zoo mas peb yuav ciaj sia thiab txi txiv. Yog peb txuas tau tsis
zoo mas thaum kawg peb yuav ciaj ua tog khaub xwb.
Li ntawd mas kwv tij, peb yuav tsum tau nyob kom ruaj hauv Huab Tais Yes Xus,
yog mloog thiab ua raws Huab Tais Yes Xus lo lus qhia.
Nyob zoo sawv daws.