ZAJ NYEEM NIAJ HNUB. Tim 20 lub 5 hlis 2022 (Daily reflection)

HNUB TIM 20 LUB 5 HLIS, NCO TXOG LEEJ NTSHIAB NPES NAS DIS
HAUV XIS AS NAS

Kwv tij Hmoob, Huab Tais Yes Xus yog tus xaiv peb los ua nws thwj tim, mas peb
yuav sib nyiam sib hlub xws li Huab Tais Yes Xus hais rau peb nyob hauv hnub
no. Txoj kev nyiam uas Huab Tais Yes Xus xav kom peb coj thiab ua mas yog
nyiam lwm tus loj dua yus rov nyiam yus txoj sia.
Huab Tais Yes Xus tsis yog qhia xwb, nws tseem ua tus piv txwv rau peb pom
thiab. Huab Tais Yes Xus yeem tuag saum Ntoo Cuam kom tau cawm ntiaj teb
neeg sawv daws hauv kev txhaum.
Li ntawd, nyob hauv Koom Txoos keeb kwm peb thiaj pom tias muaj coob leej ua
raws Huab Tais Yes Xus tus piv txwv no, lawv yeem tuag kom tau pab lwm tus,
lawv yeem tuag kom tau cawm lwm tus txoj sia.
Kwv tij Hmoob sawv daws, niaj hnub no peb tsuas pom tias kawg yog niam thiab
txiv xwb thiaj yeem tuag tam tej me nyuam. Muaj tsawg kawg uas ib tug phooj
ywg yuav tuag tam nws cov phooj ywg, ib tug neeg yeem tuag kom tau pab lwm
tus.
Li ntawd, peb yuav kub siab thov Tswv Ntuj, thov kom peb muaj lub siab loj siab
tawv, kom peb txawj nyiam txawj hlub lwm tus xws li Huab Tais Yes Xus thiab
cov tim khawv hauv lub Koom Txoos.