ZAJ NYEEM NIAJ HNUB. Tim 21 lub 6 hlis 2022 (Daily reflection)

TIM 21 LUB 6 HLI, NCO TXOG LEEJ NTSHIAB LUS IS- KOOS NTXAS
COV LUS NYOB HAUV MAS TAIS NTAWV MOO ZOO (MT7: 6, 12-14)

Kwv tij Hmoob, nej hnov Huab Tais Yes Xus qhia tias ‘nej mus hauv lub qhov rooj nqaim mog. Txoj kev coj neeg mus rau txoj sia yog txoj kev nqaim.’
Leej Ntshiab Lus Is-Koos Ntxas yog ib tug piv txwv qhia txog Huab Tais Yes Xus zaj lus no tau zoo hauj sim. Leej Ntshiab Lus Is yug los nyob hauv yim neeg muaj hwj chim ua nom tswv tswj lub teb lub chaw, tab sis Lus Is nyiam Tswv Ntuj, nws teev Ntuj thiab ua hauj lwm them txim txhaum.
Leej Ntshiab Lus Is taij thov nws txiv kom tso nws mus ua Leej Choj, ces qhov kawg, nws txiv thiaj pub nws mus ua Leej Choj raws li nws lub siab ntshaw.
Thaum Leej Ntshiab Lus Is muaj 23 xyoos, nyob hauv lub nroog nws nyob mas tsoom pej xeeb raug ib tus kab mob sib kis. Sawv daws tso tes khiav tawm tas, tseg cov mob nyob txom nyem. Tsuas tshuav Leej Ntshiab Lus Is thiaj tseem nrog cov neeg mob nyob, nws tu thiab saib xyuas cov neeg mob. Qhov kawg, nws kis mob ces nws tuag.
Kwv tij Hmoob, txawm tias Leej Ntshiab Lus Is tuag lawm, tsis kav nws tau txoj sia nyob mus li nrog Tswv Ntuj nyob saum Tswv Ntuj lub Ceeb Tsheej lawm, nws xaiv txoj kev nqaim coj mus cuag txoj sia.
Vam tias Leej Ntshiab Lus Is lub neej yuav pab nej kom txawj xaiv nej txoj kev taug mog.