ZAJ NYEEM NIAJ HNUB. Tim 21 lub 9 hli 2022 (Daily reflection)

ZAJ NYEEM HNUB TIM 21 LUB 9 HLIS, UA HMOOV LEEJ NTSHIAB MAS TAIS
COV LUS NYOB HAUV MAS TAIS NTAWV MOO ZOO (MT 9: 9-13)

Cov kwv tij Hmoob, thaum Huab Tais Yes Xus hu Mas Tais, mas nws cia li sawv tsees raws Huab Tais Yes Xus qab. Ua ntej Mas Tais yuav tso txoj hwj lwm sau se pov tseg, nws caw Huab Tais Yes Xus mus nrog cov phooj ywg sau se noj mov ua ke, ces cov Fas Lis Xais thiaj hais rau Huab Tais Yes Xus cov thwj tim tias ua cas lawv tus xib hwb nrog cov neeg txhaum noj mov ua ke. Huab Tais Yes Xus hnov, nws hais tias “cov neeg vam txog kws kho mob, yog cov neeg mob, tsis yog cov neeg zoo. Nws tuaj nyob hauv lub sim ceeb kuj yog tuaj hu cov neeg txhaum kom hloov siab tshiab.”
Kwv tij Hmoob, peb sawv daws puav leej yog neeg txhaum, yog neeg mob, vim tias peb zoo tsis tas thiab peb lub zog me, li ntawd mas peb yuav ua xws li Mas Tais, sawv tsees raws Huab Tais Yes Xus qab mus, mloog Huab Tais Yes Xus lo lus thiab coj los siv nyob hauv lub neej, tsis yog yws lwm tus, txiav txim rau lwm tus xws li cov Fas Lis Xais. Nyob zoo sawv daws.