ZAJ NYEEM NIAJ HNUB. Tim 23 lub 7 hli 2022 (Daily reflection)

ZAJ NYEEM HNUB TIM 23 LUB 7 HLI, NCO TXOG LEEJ NTSHIAB NPIS YIS 
COV LUS NYOB HAUV MAS TAIS NTAWV MOO ZOO (MT 13: 24-30)

Kwv tij Hmoob sawv daws, nyob hauv Huab Tais Yes Xus zaj paj lug hnub no. ua cas tus tswv qoob thiaj tsis kam kom cov tub txib mus rho cov nroj pov tseg? 
Tus tswv qoob hais tias nws ntshai tsam lawv rho tau cov nplej nrog cov nroj lawm.
Zaj no yog Huab Tais Yes Xus tab tom qhia txog Tswv Ntuj lub siab nyiam peb, nws tsis tau maj kom cov tub txib tuaj rau txim rau cov neeg txhaum, tsam tej xwm ntawd ho tuaj raug cov neeg zoo. Tswv Ntuj ua siab ntev tos kom txog hnub kawg, nws mam ua ib zaug sau cov nroj los pav ua ib teg cia pov hlawv hauv cov hluav taws, thiab sau cov nplej los ua ib pawg cia rau hauv txhab.
Dhau ntawd, zaj paj lug no Huab Tais Yes Xus kuj qhia peb tias peb ua neeg nyob mas pej yuav raug ntau yam xwv txheej, ntsib ntau txoj kev txom nyem, tab sis peb yuav ua siab ntev, peb yuav ua tiag uv kom dhau, xws li cov nplej nyob xyaw cov nroj.
Nyob zoo sawv daws.