ZAJ NYEEM NIAJ HNUB. Tim 23 lub 8 hli 2022 (Daily reflection)

ZAJ NYEEM HNUB TIM 23 LUB 8 HLI, NCO TXOG LEEJ NTSHIAB LOS XAS HAUV LIS MAS
COV LUS NYOB HAUV MAS TAIS NTAWV MOO ZOO (MT 23: 23-26)

Kwv tij Hmoob sawv daws, Huab Tais Yes Xus hais tias cov zoo nraum daim tawv, nej txoj hmoov phem. Tus neeg zoo nraum daim tawv mas hauv nws siab tsis muaj 3 yam no: kev ncaj, kev hlub luag, thiab kev ntseeg.
Tos Huab Tais Yes Xus tsawm li tias cov neeg tsis muaj 3 yam no hauv nruab siab mas lawv txoj hmoov phem, vim lawv lub siab yuav poob qis, lawv lub siab yuav tsis xyiv fab, lawv lub siab yuav muaj kev ntshaw tsis txawj txaus, lawv lub siab yuav poob hauv kev tsaus ntuj nti, tsis kaj. Lawv yuav saib kev zoo ua phem, kev phem yog qhov zoo. Qhov kawg lawv yuav raug txim nyob hauv cov hluav taws.
Hnub no Huab Tais Yes Xus thiaj ntuas kom peb soj peb siab saib peb puas yog tus neeg zoo nraum daim tawv, peb puas tau tso 3 yam no pov tseg.
Yog tias peb soj pom tias tsis tshuav 3 yam no nyob hauv peb siab lawm, mas peb yuav tau thov Tswv Ntuj hnav lub siab tshiab rau peb, kom peb txawj ua siab ncaj, txawj hlub lwm tus, thiab kom peb rov muaj txoj kev ntseeg.
Cov kwv tij, peb yuav nquag thov Tswv Ntuj lub txiaj ntsim pab peb, thiab peb yuav tau kub siab mus daws txhaum tiag tiag mas peb lub siab thiaj rov tshiab tuaj mog.
Nyob zoo sawv daws.