ZAJ NYEEM NIAJ HNUB. Tim 24 lub 8 hli 2022 (Daily reflection)

ZAJ NYEEM HNUB TIM 24 LUB 8 HLI, UA HMOOV LEEJ NTSHIAB NPAS TOS LOS MAS YOS
COV LUS NYOB HAUV ZAM NTAWV MOO ZOO (Z 1: 45-51)

Kwv tij Hmoob, hnub no Koom Txoos ua hmoov nco txog Leej Ntshiab Npas Tos Los Mas Yos uas yog 1 tug hauv Huab Tais Yes Xus 12 tug thwj tim. Npas Tos Los Mas Yos muaj tseem muaj dua lwm lub npe yog ‘Nas Tas Nais’ thiab.
Ntawv Moo Zoo hnub no yog thaum Fis Lis Pos mus txhib kom Npas Tos Los Mas Yos nrog nws mus nrhiav Huab Tais Yes Xus.
Npas Tos Los Mas Yos los yog Nas Tas Nais, nws muaj lub siab ncaj, lub siab dawb,thiab kub siab nrhiav Tswv Ntuj mas nws thiaj to taub tias Huab Tais Yes Xus yog Tswv Ntuj Leej Tub. 
Kwv tij Hmoob sawv daws, peb yuav xyaum ua neeg siab ncaj, siab dawb thiab nrhiav Tswv Ntuj xws li Leej Ntshiab Npas Tos Los Mas Yos, mas peb thiaj yuav pom tau Huab Tais Yes Xus nyob hauv cov neeg nyob puag ncig peb mog.
Nyob zoo sawv daws.