ZAJ NYEEM NIAJ HNUB. Tim 27 lub 8 hli 2022 (Daily reflection)

ZAJ NYEEM HNUB TIM 27 LUB 8 HLI, NCO TXOG LEEJ NTSHIAB MOS NIS KAS
COV LUS NYOB HAUV MAS TAIS NTAWV MOO ZOO (MT 25: 14-30)

Kwv tij Hmoob, thaum Tswv Ntuj tsim peb los mas nws pub ib leeg ib lub txiaj ntsim rau coj los ua neej, tej tus tau ntau, tej tus tau tsawg. Lub txiaj ntsiam no Tswv Ntuj pub raws neeg lub peev xwm kom tau coj los ua lub neej kom txi txiv thiab ua hauj lwm pab lwm tus.
Li ntawd mas kwv tij Hmoob sawv daws, txawm nej yuav tau lub txiaj ntsim loj los me mas nej yuav tau coj mus siv kom tawg paj, kom muaj txiaj ntsim qab hau rau lwm tus mog vim tus twg yim coj lub txiaj ntsim Tswv Ntuj pub no mus ua kom tawg paj ntau mas Tswv Ntuj yuav yim pub ntau ntxiv rau nws, tab sis tus twg tsis coj mus ua kom txi txiv mas Tswv Ntuj yuav rho tawm ntawm nws mus.
Nyob zoo sawv daws.