ZAJ NYEEM NIAJ HNUB. Tim 3 lub 11 hli 2022 (Daily reflection)

ZAJ NYEEM HNUB TIM 3 LUB 11 HLI, NCO TXOG LEEJ NTSHIAB MAS TIS NOS - DES POS LES
COV LUS NYOB HAUV LUS KAS NTAWV MOO ZOO (LK 15: 1-10)

Kwv tij Hmoob sawv daws, thaum nej ib tug tsiaj, los yog thaum nej cov nyiaj ploj lawm, nej puas nrhiav kom tau rov qab?
Hnub no Huab Tais Yes Xus hais qhia rau peb tias nws yeej yuav kub siab nrhiav cov neeg poob zoo, cov neeg txhaum xws li thaum peb nrhiav peb tus tsiaj los peb lub txiaj nyiag peb tau ua ploj ua poob ntag.
Muaj lus nug tias yog li Huab Tais Yes Xus twb mus saum ntuj tau ob txhiab tawm xyoo lawm, nws yuav nrhiav cov neeg txhaum, cov poob zoo li cas?
Cov kwv tij, niaj hnub no Huab Tais Yes Xus nyob nraim hauv peb txhua tus neeg ntseeg, Huab Tais Yes Xus hu peb los nrhiav tus neeg poob zoo, Huab Tais Yes Xus ua hauj lwm nyob hauv peb. Yog li mas thiaj yog txoj kab xwm uas peb cov neeg ntseeg txog Yes Xus, yuav tawm mus nrhiav cov neeg txhaum, yuav tawm mus nrhiav tus poob zoo, coj nws los hloov siab tshiab ntxub kev txhaum. 
Tsis tas li ntawd, peb sawv daws, mas peb yuav ntxub kev txhaum, peb yuav ua ib tug neeg mloog Tswv Ntuj lus thiab, mas nyob saum ntuj thiaj yuav muaj kev zoo siab loj mog. Nyob zoo sawv daws.