ZAJ NYEEM NIAJ HNUB. Tim 30 lub 8 hli 2022 (Daily reflection)

ZAJ NYEEM HNUB TIM 30 LUB 8 HLI, HNUB PEB LUB LIS PIAM 22 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 4: 31-37)

Kwv tij Hmoob sawv daws, Huab Tais Yes Xus lo lus muaj hwj chim ntiab tau dab phem lub tswv yim tawm hauv neeg mus. Huab Tais Yes Xus lo lus muaj hwj chim vim yog nws tau lub zog los ntawm nws lub siab zoo, lub siab npuab Leej Txiv thiab tso siab tias dab phem tsis muaj peev xwm looj koov tau neeg lub tswv yim, los rhuav neeg lub neej, los tswj tau neeg. 
Thiab muaj ib yam kuv xav hais rau nej, yog lo lus no: yog tus neeg raug dab tsis huv ntawd nws tsis muaj lub siab nrhiav Tswv Ntuj mas Huab Tais Yes Xus lo lus kuj yuav ntiab dab tsis huv kom tawm tau hauv nws mus. 
Tos kuv hais li no mas vim tias txawm tus txiv neej no nws raug dab tsis huv tsis kav niaj Hnub Xas Npas Tos mas nws tseem nrog sawv daws tuaj teev Ntuj thiab mloog Tswv Ntuj Lo Lus ua ke hauv lub tsev txoos.
Yog li mas kwv tij Hmoob sawv daws, yog peb xav kom Huab Tais Tswv Ntuj Lo Lus muaj zog nyob hauv peb, ntiab tau tus dab nyob hauv peb uas niaj hnub ntxias peb ua qhov tsis zoo coj peb mus rau kev txhaum ntawd, mas yog peb tsum kub siab nrhiav Tswv Ntuj, thov Tswv Ntuj pab mas Huab Tais Tswv Ntuj Lo Lus thiaj ua hwj huam tau nyob hauv peb xws li zaj lus peb tau mloog hauv hnub no mog.
Nyob zoo sawv daws.