ZAJ NYEEM NIAJ HNUB. Tim 31 lub 10 hli 2022 (Daily reflection)

ZAJ NYEEM HNUB TIM 31 LUB 10 HLI, HNUB OB LUB LIS PIAM 31 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 14: 12-14)

Kwv tij Hmoob, hnub no nej hnov Huab Tais Yes Xus hais tias thaum koj ua ib rooj qav, koj yuav caw cov neeg pluag cov neeg tsis muaj dab tsi pauj rau koj. Ces thaum txog hnub kawg, Ntuj mam pauj rau koj.
Lub ntsiab hauv zaj no mas Huab Tais Yes Xus xav kom peb ua hauj lwm hlub cov neeg txom nyem dua peb, peb ua hauj lwm hlub lwm tus mas peb txhob saib tias tsam lawv yuav hlub peb rov tsis tau.
Yog li mas cov kwv tij Hmoob, peb yuav khaws Huab Tais Yes Xus lo lus hauv hnub no tseg mog, peb yuav hlub yuav nyiam tus neeg txom nyem dua peb, peb ua dab tsi txhob tos kom luag pauj rov rau peb mog. Nyob zoo sawv daws.