ZAJ NYEEM NIAJ HNUB. Tim 6 lub 10 hli 2022 (Daily reflection)

ZAJ NYEEM NIAJ HNUB Tim 6 lub 10 hli 2022
Hwm Leej Ntshiab Nplus Nos ua Txiv Plig

Lo lus pab xav tswv yim.
Muaj ib yam uas zoo tshaj nyob hauv lub neej ua neeg ntseeg, yog kev teev Ntuj qhib hnub thiab xaus hnub. Yog rab tuam phom muaj zog uas yuav yeej txoj kev qaug zog. Yuav pab kom cov me nyuam thiab cov laus muaj lub cev ntaj ntsug thiab lub siab khov kho, tsis qaug zog.
Zim txwv no cov neeg ntseeg Thaib nquag thov Ntuj thiab nyeem ntawv Moo Zoo niaj hnub, qhov no yog kev txhim kho tseem ceeb nyob hauv lub Koom Txoos Thaib, ces tsim nyog yuav ua Huab Tais Yes Xus tsaug uas nws tau pab kom sawv daws nquag teev Ntuj. Peb yuav thov Ntuj pab peb rau tej yam uas peb ua tsis tau, tsis yog peb thov Ntuj ntau ntau los pab kom peb ntshaw ub ntshaw no. Txoj kev thov Ntuj no, yog txoj kev cia siab thiab tsis thaub qab nyob hauv kev thov Ntuj uas tsis tau yam peb ntshaw. Tswv Ntuj tsis nyob twj ywm rau peb, yog peb nquag thov Ntuj tsis tseg, mas kev tsheej xeeb yuav nyob hauv peb.