ZAJ NYEEM NIAJ HNUB. Tim 6 lub 9 hli 2022 (Daily reflection)

ZAJ NYEEM HNUB TIM 6 LUB 9 HLIS, HNUB PEB LUB LIS PIAM 23 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 6: 12-19)

Kwv tij Hmoob, ua ntej Huab Tais Yes Xus yuav ua txoj hauj lwm tshaj lub Moo Zoo mas Huab Tais Yes Xus tau xaiv 12 leeg thwj tim. Lawv 12 leeg no yog neeg tsis muaj suab npe, tsis muaj hwj chim. Lawv 12 leeg no tsuas yog cov neeg uas thaum lawv hnov Huab Tais Yes Xus hu ces lawv mloog thiab txaus siab tso txhua yam tseg cia tom qab kom tau koom nrog Huab Tais Yes Xus mus ua ke. 
Yog li mas cov kwv tij, niaj hnub no Huab Tais Yes Xus lub suab tseem hu peb xws li thaum hu lawv 12 leeg no. nyob ntawm peb saib puas yuav qhib siab mloog thiab txaus siab koom nrog Huab Tauis Yes Xus ua txoj hauj lwm tshaj Ntuj lub Ceeb Tsheej xws li lawv.