ZAJ NYEEM NIAJ HNUB. Tim 9 lub 8 hli 2022 (Daily reflection)

ZAJ NYEEM HNUB TIM 9 LUB 8 HLI, NCO TXOG LEEJ NTSHIAB ES DIS XAWS TAIS LOS YOG TES LES XAS NPES NES DIS TAS HWM NTOO CUAM.
COV LUS NYOB HAUV MAS TAIS NTAWV MOO ZOO (MT 18: 1-5, 10, 12-14)

Cov kwv tij Hmoob, Tswv Ntuj niaj hnub tuaj nrhiav peb xws li tus tswv zov yaj nrhiav tus yaj poob zoo. Niaj hnub Tswv Ntuj nrhiav tau peb tab sis peb zoo xws li tus yaj qus tsis ncawg tus tswv, peb pheej khiav rov qab mus nyob tom tej hav zoov hav zaub qus, tsis kav Tswv Ntuj tsis tas siab rau nws txoj hauj lwm nrhiav peb, vim tias thaum Tswv Ntuj nrhiav tau peb mas Tswv Ntuj yuav zoo siab xyiv fab kawg.
Kwv tij Hmoob sawv daws, peb tus Tswv Ntuj twb yog tus Tswv zoo tshaj mas tsim nyog peb yuav mloog nws lus, peb yuav ua xws li yog ib tug me nyuam me me nyiam mloog niam txiv lus, mloog niam txiv qhuab ntuas, mas peb lub neej thiaj yuav nyob lom zem, nyob sov so, muaj kev xyiv fab mus li.
Nej thim xav mas, thaum nej tseem me me, muaj niam muaj txiv nrog nej nyob, nrhiav rau nej noj nej hnav, niam txiv tu nej saib xyuas nej, mas nej lub neej lom zem npaum cas, nej nyob xyiv fab npaum cas? 
Nej xav ua lub neej xws li thaum nej tseem yog me nyuam yaus dua, los nej xav ua neej xws li nej yog ib tug muaj hnub nyoog loj lawm? Nyob zoo sawv daws.