COV NEEG THOJ NAM NYOB HES LAAS

Tseem hwv Hes Laas tau muab cov neeg thoj nam nyob hauv lub pov txwv Xas Mos (Samos) tshem mus rau lwm qhov chaw lawm. Yog vim lub yeej thoj nam Xas Mos mas muaj cov neeg thoj nam nyob coob coob sib txiv, ces cov neeg Xis Lias thiab cov neeg As Kas Nis Taas sib txeeb zaub mov noj, ua rau ob tog neeg muaj kev sib ntaus ntxhov quav niab, muaj coob leej raug xa mus pw nyob hauv tsev kho mob. Tseem muaj ntau pua leej uas lawv tsis pom qab yuav mus qhov twg. Cov neeg thoj nam nyob Xas Mos muaj kev sib txeeb sib ntaus los tau 2-3 lub lis piam no lawm.  Lub yeej thoj nam Xas Mos muaj cov neeg thoj nam nyob li ntawm 5,700 tawm leej.

Cov neeg thoj nam feem coob vam tias : yog lawv mus nyob hauv lub yeej thoj nam Xas Mos uas nyob ntawm ntug dej hiav txwv, mas lawv yuav tau kev khiav mus rau Tws Kis teb. Tab sis muaj ib co neeg tsis pom zoo, ces lawv xuas pob zeb txawb lub Leej Haum Kuj (NGO) cov tsheb, kom tsis txhob mus txog ntug hiav txwv. Vim NGO yog lub Koom Haum txhawb nqa cov neeg thoj nam uas tsis raws tseem hwv txoj cai thiab yuav ua kom kev lag luam nyob hauv lub teb chaws muaj teeb meem xwb. Tam sim no cov tseem hwv Hes Laas tsis paub txiav txim siab tias yuav ua li cas txog cov neeg thoj nam no.

Tus txhais : Lis Maib, Zoo Tswv Zov Yaj