THOV KOM PEB LUB NEEJ YOG QHOV CHAW RAU TSWV NTUJ.

Nyob hauv Hnub Chiv tim 8 lub 12 hlis tas los, yog hnub lub Koom Txoos hwm niam Mab Liab ntshiab huv; Vaj Qhia Fas Ntshis Kus hais tias niam Mab Liab yog tus neeg ntshiab neeg huv tsis muaj txhaum, nws yog ib tus neeg tsis muab hlob thiab yog tus neeg zoo siab tsob hwb lwm tus. Yog li thov kom peb sawv daws muab nws ua tus qauv rau peb qog raws.
Vaj Qhia Fas Ntshis Kus pib hais tias hmoov tsuj xeeb hwm niam Mab Lias ntshiab huv yog nyob hauv lub Caij Tos Huab Tais, niam Mab Liab raug Tswv Ntuj npo hauv txoj kev txhaum uas As Das thiab Es Vas tau ua tseg.
Vaj Qhia hais ntxiv tias nyob hauv ntawv Moo Zoo, Tswv Ntuj tau xaiv Mab Liab los ua leej niam. Yog kom Tswv Ntuj txoj kev hlub nyob hauv nws, mas Mab Liab yuav tsum mloog Tswv Ntuj thiab tso siab rau Tswv Ntuj.
Mab Liab mloog tus Tshiab cov lus, nws ua raws Tswv Ntuj siab thiab ua raws li Leej Ntuj Plig Ntshiab coj nws. Mab Liab thiaj yog ‘txhua yam zoo nkauj’ thiab ‘txhua yam ntshiab huv’, txawm li ntawd los Mab Liab tseem coj tus yam ntxwv ua neeg me thiab muaj kev pluag hauv nruab siab.
Vaj Qhia rov hais tias Mab Liab zoo siab ua raws Tswv Ntuj siab, nws zoo siab ua qhov chaw txais Tswv Ntuj vim Mab Liab yeej muaj tus cuj pwm tsob hwb lwm tus thiab kub siab txog lwm tus. Peb pom Mab Liab tus cuj pwm no tau nyob hauv zaj Mab Liab mus xyuas tus phauj Es Lis Xas Npes.
Yog li nyob hauv hnub no, yog hnub peb hwm niam Mab Liab ntsiab huv, mas Vaj Qhia thiaj thov kom peb thov niam Mab Liab pab peb kom peb muab peb txoj sia, lub neej ua qhov chaw yog rau Tswv Ntuj thiab kom peb muaj lub siab tsob hwb lwm tus.

Tus txhais : Muas Lauj, Zoo Tswv Zov Yaj