KEV TUS SIAB NTXHOV SIAB NRHAU CAG NYOB HAUV TXOJ KEV NYIAM TSWV NTUJ

Nyob hauv hnub tim 12 lub 2 hlis tas los no, Vaj Qhia Fas Ntshis Kus nthuav txog cov muaj hmoov zoo nqe ob : Cov tau txoj hmoov zoo, yog cov siab zoo, vim lawv yuav txais lub ntiaj teb los ua lawv tug. (MT 5 : 4)
Vaj Qhia hais tias Ntawv Ntshiab piav txog kev tu siab tias muaj ob yam : yam ib yog kev ploj kev tuag los yog kev txom nyem. Kev tu siab ntxhov siab yog txoj kev iab, tab sis yog ib yam qhib tau tib neeg qhov muag kom pom txog txoj sia thiab txiaj ntsim nyob hauv kev ua neej.
Yam ob, mas kev tu siab ntxhov siab yog kev txhaum lub kua muag- yog yus lub txim-thaum ib tus neeg ua txhaum rau Tswv Ntuj los yog rau nws tus phooj ywg, nws lub siab yuav los ntsav. 
Leej Ntshiab Pob Zeb ua piv txwv txog kev tu siab rau qhov txhaum.  Vaj Qhia hais rau sawv daws tias Pob Zeb kev tu siab pom nyob hauv nws lub kua muag, tom qab nws tsis lees Huab Tais Yes Xus.
Vaj Qhia nthuav lub ntsiab rau sawv daws tias ob yam kev tu siab no muaj cag los ntawm kev nyiam kev hlub tshua lwm tus, tiam sis qhov loj tshaj yog kev nyiam Tswv Ntuj.
Kawg no, Vaj Qhia ntuas sawv daws tias Huab Tais Tswv Ntuj zam txim rau peb tas mus li. Tiam sis teeb meem yog nyob hauv peb, peb dhuav kev lees txhaum, peb kaw peb cia hauv kev txhaum thiab tsis thov Tswv Ntuj zam txim rau peb. 
“Qhov no yog teeb meem, tab sis Huab Tais Tswv Ntuj nyob ntawd; nws tos zam txim rau peb.”
Tus txhais : Muas Lauj, Zoo Tswv Zov Yaj