COVID-19 YOG LUB NTUJ TSIM TXOM TIB NEEG VIM NEEG TSIS QUAV NTSEJ TXOG NTIAJ TEB

"Kev sib kis tus kab mob Covid-19 zaum no, yog ib qho uas tib neeg tau txais los ntawm tej huab cua thiab dej av xyoob ntoo."
-Vaj Qhia Fas Ntshis Kus-

Vaj Qhia Fas Ntshis Kus hais tias : kev sib kis tus kab mob Covid-19, yog ib qho los ntawm huab cua rau cov tib neeg uas tsis quav ntsej txog huab cua thiab xyoo ntoo dej a, yam muaj txoj sia thiab tsis muaj txoj sia.
Kev sib kis ntawm tus kab mob Covid-19, ua teeb meem rau kev noj kev haus thiab txhua yam mus qeeb tsis raws siab xav. Kuj yog ib qho qhia rau tib neeg kom txawj xam pom txiaj ntsim qab hau ntawm dej av, xyoob ntoo thiab huab cua ntau dua qub.
Vaj Qhia hais tias yav tag los tib neeg tsis nco ras thiab tsis xav txog kev piam sij qee yam ntawm lub ntiaj teb, muaj qee leej tau tham txog cov hluav taws qus nyob Aus Thas Lias teb, thiab nco tau tias 18 lub hlis dhau los lawm, muaj ib lub nkoj tuaj yeem hla dhau ntu hiav txwv ntawm qaum ntiaj teb, kuj yog vim cov dej khov nyob ntu dej hiav txwv ntawd yaj tag lawm. Tam sim no tsis muaj ib tug neeg twg yuav tham txog teeb meem dej nyab, ces tsis paub tias tej yam no puas yog kev pauj los ntawm huab cua thiab dej av xyoob ntoo. Tab sis paub meej tias kev sib kis tus kab mob Covid-19 zaum no, yog ib qho uas tib neeg tau txais los ntawm tej huab cua thiab dej av xyoob ntoo.
Kev sib kis tus kab mob Covid-19 kuj ua rau Vas Tis Kas muaj kev hloov ntau yam, yam tsis tau muaj dua ib zaug los li. Hnub tim 5 lub 4 hlis dhau los, yog Hnub Chiv nqaum nplooj ntawm lub Koom Txoos Kav Tos Liv, Vaj Qhia tau ua cov kab ke nqaum nplooj nyob ntawm lub tsev teev Ntuj hwm Leej Ntshiab Pob Zeb yam tsis muaj ib tug neeg ntseeg koom kiag. Ua ntej no Vaj Qhia muaj mob xws li tus kab mob Covid-19, tab sis cov kws kho mob soj ntsuam 2 zaug mas tsis pom tus kab mob Covid-19 nyob hauv nws lub cev. Cov kws kho mob hais tias Vaj Qhia cov hlab sib hlab ntsws muaj mob me ntsis xwb.
Tam sim no Vaj Qhia maj mam nyob nrug deb ntawm cov neeg muaj tus kab mob Covid-19 thiab nws nyob hauv tsev thov Ntuj tas zog. Nyob hauv cov lus nug, mas Vaj Qhia hais ntau yam txog cov neeg tsis muaj vaj tse nyob. Nyob hauv cov duab, pom cov neeg tsis muaj vaj tse raug txwv raug kaw nws tus kheej nyob ntawm tej tshav puam nres tsheb. Tab txawm tias cov tsev txais qhua khoom khoob ntshuv tsis muaj neeg, tsis kav cov neeg tsis muaj vaj tse tsis tuaj yeem mus kaw lawv tus kheej nyob hauv cov tsev txais qhua, lawv tsuas yog nyob nraum tshav puam xwb. Lub zim txwv no yog lub zim txwv neeg yuav ntsia pom txog cov neeg tsis muaj vaj tse lawv txoj kev txom nyem. Vaj Qhia hais tias kom sawv daws tsis txhob ua rau cov neeg tsis muaj vaj tse xws li tej tsiaj uas tau txais kev cawm. Thiab thov kom cov nom tswv tsis txhob kav xyeem lub zim txwv no ua tej yam kom luag tej qhuas, tab sis yog los ntawm kev tsis ncaj ncees.
Qhov kawg, Vaj Qhia txhawb dej siab rau cov neeg uas nws kaw nws tus kheej nyob txhua qhov chaw, nyob hauv tsev, nyob txhua lub nroog thiab thoob ntiaj teb. Thov kom sawv daws siv lub caij nyob hauv tsev nrhiav tej yam zoo nrog tsev neeg nyob sov siab. Nyias saib nyias tus kheej kom zoo rau lub neej tag kis uas tab tom los yuav txog.
Vam txog : prachachat.net
Tus txhais : Lis Maib, Zoo Tswv Zov Yaj