HUAB TAIS YES XUS XAV NROG PEB RHAIS RUAM MUS UA KE

“Txog thaum peb tau qhia rau Huab Tais Yes Xus lawm, Ntuj lub txiaj ntsim yuav nyob hauv peb thiab peb txoj sia yuav puv tuaj.”
-Vaj Qhia Fas Ntshis Kus-

Nyob hauv Thaj Txi Ntuj hnub chiv tim 26 lub 4 hlis tas los, Vaj Qhia Fas Ntshis Kus thov Ntuj rau cov neeg tab tom poob rau txoj kev quaj ntsuag vim lawv ntsib xwv txheej tus kab mob Covid-19
Ntawv Moo Zoo hauv Lis Piam 3 Caij Hla hais txog thaum ob tus Thwj Tim mus rau zos Es Mas Ws, Huab Tais Yes Xus tawm los nrog ob tug mus kev ua ke tiam sis nkawd nco Huab Tais Yes Xus tsis tau.
Vaj Qhia ntuas tias cov ntseeg yog cov tau ntsib Huab Tais Yes Xus thiab nrog Huab Tais Yes Xus sib tham xws li ob tug Thwj Tim ntawd. Tej xwm no tshwm tuaj thaum peb muaj kev tshaib nqis fab ntsuj plig yog li peb thiaj taug mus rau ntau txoj kev, tiam sis thaum kawg peb qhov kev nqhis tseem nyob li qub. Vim tias qhov peb tshaib nqhis yog peb xav ntsib Huab Tais Ntuj.
Huab Tais Yes Xus los yeej tshaib nqhis txog peb thiab, tiam sis Huab Tais Yes Xus hwm peb txoj kev ua neej nyob; yog li Huab Tais Yes Xus thiaj maj mam rhais ruam nyob hauv peb. Huab Tais Yes Xus tos ntshis saib peb yuav txaus siab nrog nws tham thaum twg. Huab Tais Yes Xus xav hnov peb lo lus, mas Huab Tais Yes Xus thiaj yuav paub thiab thiaj ua tau raws qhov peb tshiab nqhis.
Vaj Qhia hais ntxiv tias “Txog thaum peb tau qhia rau Huab Tais Yes Xus lawm, Ntuj lub txiaj ntsim yuav nyob hauv peb thiab peb txoj sia yuav puv tuaj.”
Vaj Qhia hais tias muaj ntau zaus peb ntsib Huab Tais Yes Xus xws li nkawd, yog ntsib Huab Tais Yes Xus thaum peb poob rau  kev tsaus ntuj nti. Thaum ntawd, Tswv Ntuj nyob ntawd tos pab peb kom rov muaj kev vam khom, Tswv Ntuj nrog peb mus kev ua ke tas mus li.
Kawg no Vaj Qhia muaj ib lo lus rau sawv daws coj mus xav, yog lo tias : Peb yuav tsum hloov tus cuj pwm ‘cav taus’ ua ‘cav txog kev zoo siab’, vim thaum peb cav lwm tus mas peb lub siab tsis xyiv fab.

Vam txog : Pope Report
Tus txhais : Txawj Tsav Meej Mom Lauj