KEV THOV NTUJ COG KEV YUG TSHIAB

“Kev thov Ntuj tseeb yog tsa hau ntsia Tswv Ntuj, 
kom Tswv Ntuj tau saib xyuas peb lub siab.” 
-Vaj Qhia Fas Ntshis Kus-

Hnub tim 27 lub 5 hlis 2020, Vaj Qhia Fas Ntshis Kus ntuas sawv daws tias Huab TaisTswv Ntuj lub tswv yim npaj tseg rau tib neeg mas zoo heev, txawm tias niaj hnub peb yuav ntsib tej yam phem.
Vaj Qhia nthuav 2 zaj hauv Ntawv Hauv Paus yog hais txog txoj kev txhaum loj hlob thiab nrhau cag nyob hauv tib neeg. Zaj tim ib, hais txog As Das thiab Es Vas nkawd zwm rau dab phem kev ntxias. Hos zaj tim ob yog Kas Es pub kom qhov phem los looj nws lub siab ces nws thiaj muab As Npes tua.
Tsuas ntxiv mus mas Vaj Qhia piav txog 3 yam hauv Ntawv Ntshiab yog kev pom looj lias, tsis muab hlob thiab tso siab rau kev vam khom nyob hauv zaj hais txog As Npes, Xes Thes thiab Nos Hes.
Peb yuav pom tias lawv nquag thov Ntuj pub kev thaj yeeb rau lawv. 
Vaj Qhia hais tias kev thov Ntuj tseeb yog tsa hau ntsia Tswv Ntuj, kom Tswv Ntuj tau saib xyuas peb lub siab. Kev thov Ntuj yog kev cog tsob paj tawg tshiab nyob hauv tib neeg kev ntxub ntxaug.
Vaj Qhia tau piav ib zaj kwv huam nws tau hnov tias muaj ib tug nom nws tsa nws ua Tswv Ntuj. nws tsis kub siab txog kev teev hawm dab tsi li, tab sis nws nco tau tias thaum nws tseem me mas nws niaj hnub hnov nws niam tais thov Ntuj tas mus li. Muaj ib hnub tus nom no poob rau kev nyuaj siab, nws mam rov qab nco txog. Nws thiaj mam pib thov Ntuj raws cov lus nws tau hnov ntawm nws niam tais los.
Vaj Qhia hais tias “Nws tau ntsib Huab Tais Yes Xus lawm.”
Zaj no qhia dab tsi rau peb? Qhia peb tias kev thov Ntuj yog ib yam nyob hauv peb txoj sia, yog lub noob pub txoj sia. Yog li peb thiaj yuav tsum qhia cov me nyuam kom lawv nquag thov Ntuj.

Vam txog : Vaticannews.va/en
Tus txhais : Txawj Tsav Meej Mom Lauj, Zoo Tswv Zov Yaj