LUB KOOM TXOOS NROG TSOOM NTSEEG SIB HAUM XEEB NYOB HAUV KEV TSHAJ NTUJ LUS

“Peb tau txais Leej Ntuj Plig Ntshiab nyob hauv lub Cim Ntxuav
thiab thaum peb hais zaj kuv ntseeg.”
-Vaj Qhia Fas Ntshis Kus-
31/5/2020

Hnub Chiv tim 31 lub 5 hlis 2020 tas los no, Vaj Qhia qhuab qhia tsoom sid sawv daws txog lub caij Leej Ntuj Plig Ntshiab nqis los tias “Ntawv Moo Zoo hauv hnub no coj peb rov qab mus rau hmo tsaus ntuj hauv Caij Hla. Huab Tais Yes Xus tawm los rau cov Thwj Tim pom hauv kem tsev thiab hais rau lawv tias : Nej nyob kaj lug. Lo no yog qhia peb tias Huab Tais Yes Xus zam txim rau lawv lawm.”
Vaj Qhia hais tias Huab Tais Yes Xus zam txim thiab sau lawv los sib txoos ua ib tsoom ntseeg nyob hauv lawv txoj hauj lwm tshaj Moo Zoo. Yog kom lawv ruaj nreb rau lawv txoj hauj lwm, mas Huab Tais Yes Xus thiaj xa Leej Ntuj Plig Ntshiab nqis los nyob saum lawv sawv daws.
Vaj Qhia Fas Ntshis Kus kom peb ras dheev tias peb sawv daws tau txais Leej Ntuj Plig Ntshiab lawm nyob hauv lub Cim Ntxuav thiab thaum peb hais zaj kuv ntseeg. Peb tau txais Ntuj txiaj ntsim, yog ‘Kev hwm Tswv Ntuj’.
Kev hwm Tswv Ntuj tsis yog vim txoj kev ntshai, tiam sis yog peb nyiam thiab tso siab rau Tswv Ntuj.
Vim Leej Ntuj Plig Ntshiab nyob hauv peb, mas peb yuav thov Leej Ntuj Plig Ntshiab kom pub lub tswv yim rau peb kom peb muaj cuab kav tawm hauv kem tsev no mus tshaj txog lub Moo Zoo rau lwm tus.
Vam txog : Vaticannews.va/en
Tus txhais : Txawj Tsav Meej Mom Lauj, Zoo Tswv Zov Yaj