VAJ QHIA TSHAM VAS TIS KAS LUB ROOJ SAU SIAB RAU COV ME NYUAM.

Tus thawj tswj ntawm lub rooj ntawv xov xwm ntshiab hais tias : muaj cov me nyuam tuaj sau siab Estate Ragazzi ua ke coob leej. Vaj Qhia Fas Ntshis Kus tau mus tsham cov me nyuam yaus thaum lawv tab tom noj tshais. Vaj Qhia ncig ib lub rooj dhau ib lub rooj saib cov me nyuam noj mov thiab nrog lawv tham. Tom qab ntawd Vaj Qhia kuj mus saib kem tsev npaj rau cov me nyuam yaus ua si. 
Vaj Qhia qhia cov me nyuam yaus kom lawv txawj sib fim thiab nrog lwm tus ua phooj ywg. Tsis txhob ua neeg muab hlob thiab khav theeb, sawv daws yuav tsum sib haum xeeb thiab ntaus phooj ywg zoo rau lub sij hawm uas nyob ua ke. 
Saib cov me nyuam yaus tag, Vaj Qhia thiaj rov mus rau lub tsev teev Ntuj hwm Leej Ntshiab Mas Tas. Vaj Qhia zoo siab thiab ua tsaug rau cov neeg tau tsa lub rooj sau siab rau cov me nyuam yaus. 
Lub rooj sau siab rau cov me nyuam no, yog tsa nyob hauv lub 7 hli dhau los. Muaj cov tub hluas nyob hauv Vas Tis Kas li ntawm 100 leej koom nrog. Cov me nyuam uas tuaj sau siab muaj hnub nyoog li ntawm 5 xyoos txog 14 xyoos. Lawv ua ke teev Ntuj, ua luam dej, ntaus pob roj hmab, ncaws pob roj hmab thiab ntau yam kev lom zem. Kuj muaj kev tiv thaiv thiab soj ntsuam txog tus kab mob Covid-19 yam zoo kawg. Txiv Plig Fas Kos Foos Tas Nas (Father Franco Fontana) qhia cov me nyuam kom lawv txawj siv lub sij hawm khoom los ua tej yam tseem ceeb, thiab kom lawv siv lub caij ntuj sov nyob ntsiag to. Tom qab lub rooj sau siab tas, mas xav kom cov me nyuam muaj tej yam zoo zoo.  Vim muaj tej yam yuav pab kom sawv daws pom meej zuj zus txog lawv lub neej.