TSA KEV KAWM TXOG KAB KE KAV TOS LIV THIAB TXHEEJ TXHEEM UA THAJ TXI NTUJ.

Tim 17-18 hauv lub 8 hli tas los, Txiv Plig June Ongart Kaser tus Leej Choj tswj lub tsev teev Ntuj Leej Niam pab cawm neeg hauv zos Khej Me tau qhib kev kawm txog Kav Tos Liv cov kab ke rau cov ntseeg. Muaj Txiv Plig Pob Zeb hauv tsev hauv paus Hmoob Tseej Maim tuaj ua tus qhia.
Txiv Plig June hais tias muaj cov ntseeg ntau leej xav paub txog Kav Tos Liv cov kab ke teev Ntuj vim lawv tsis paub tias niaj lis piam lawv coj ua thaj Txi Ntuj puas yog. Tsis tas li cov txheej txheem ne ho muaj lub ntsiab li cas?
Zaum no yog thawj zaug, mas muaj cov ntseeg hauv zos Fib Xaim, Nav Qhab, Nav Xais tuaj koom nrog cov ntseeg hauv zos Khej Me. Feem ntau yog cov ntseeg hauv zos Fib Xaim.
Vam Khwb Yaj tus coj pawg ntseeg hauv zos Fib Xaim hais tias kev kawm zaum no mas nws tau paub ntau yam txog kev teev Ntuj thiab ua thaj Txi Ntuj. Tsis tas li nws kuj vam tias cov Leej Choj yuav tsa kev kawm li no txuas ntxiv rau cov ntseeg tau tuaj kawm mus lawm tom ntej.
Txiv Plig June vam tias tom qab kev kawm tag lawm, mas cov ntseeg yuav muaj kev nkag siab thiab coj mus siv kom raug raws txheej txheem kab ke ua lub Txoos teev Ntuj nyob hauv lawv cov tsev teev Ntuj.