VAJ QHIA PIB QHIA TSOOM NTSEEG DUA.

Vaj Qhia Fas Ntshis Kus hais rau tsoom neeg ntseeg nyob hauv txhua txhua lub lis piam tias : kev ntseeg, kev cia siab thiab kev pab luag tej ntawm cov neeg ntseeg, ua rau peb pom tias nws pab tau cov neeg tsis muaj zog lawv lub siab thiab tus ntsuj plig. Tab txawm muaj tus kab mob Covid-19 sib kis, tsis kav Tswv Ntuj txoj kev pab thiab kev cawm yuav nyob ruaj nreb mus li raws Huab Tais Yes Xus qhia nyob hauv Lus Kas Ntawv Moo Zoo. 
Kev ua lub siab zoo thiab pab luag tej, tsis yog yuav pab tau lwm tus neeg tus ntsuj plig xwb, nws yog ib qho zoo rov pab yus tus kheej. Txiaj ntsim ntawm kev cia siab thiab kev hlub, nws pab kom lwm tus neeg qaug zog dim ntawm lawv txoj kev nyuab siab. Tswv Ntuj tau hais tias : Yes Xus tsis yog tus ntxuav txhua yam phem nyob hauv neeg lub cev xwb, Yes Xus yog tus kho neeg thiab txhawb nqa neeg lub siab kom neeg txawj sib fim nyob hauv tej pab neeg coob coob thiab tsis txhob nyob ib leeg twm zeej. Tswv Ntuj tus siab ntshiab yeej ib txwm hais rau nws cov me nyuam tias : kev kho thiab kev cawm ntawm Huab Tais Yes Xus yog nyob hauv txhua leej txhua tus lub cev thiab tus ntsuj plig. 
Vaj Qhia thov kom cov neeg ntseeg sib sau thov Ntuj los pab daws tej kab mob uas tab tom sib kis nyob hauv tej npoj neeg coob coob. Lub sij hawm thov Ntuj, Vaj Qhia lub siab nco txog cov neeg muaj mob thiab raug tuag nyob hauv lub nroog Npes Lus, nyob Lis Npaas teb.