TXWM IB XYOOS LUB XYOO KEV NTSHIAB HUV

Txwm ib xyoos ntawm lub xyoo kev ntshiab huv, yam li cheb tej yam sw thiab qias neeg nyob hauv tej nroog, los sis tog vaj tog tsev. Qhov no yog cov tub ntxhais hluas lub tswv yim ua hauj lwm raws li Vaj Qhia Fas Ntshis Kus cov lus thov hais txog nyias yuav tsum tu nyias tog vaj tog tsev kom huv si. 
Txhua txhua xyoo cov Salesian tau txhib lawv cov tub ua hauj lwm ua ib co xyam hais txog kev ntshiab huv los sis tu tog vaj tog tsev. Cov hauj lwm xyoo no uas Salesian ua yog hais txog “Cov ntseeg zoo thiab tus pej xeem ncaj ncees”. 
Salesian tau tso cov xyam hais txog lub rooj sab laj nyob Pas Pua thiab cov pov txwv Xas Les Moos hais txog kev ntshiab huv ntawm lub xyoo DBTI, ces nws haum rau lub xyoo Laudato Si uas Vaj Qhia Fas Ntshis Kus pib ua cov hauj lwm. 
Cov xyam ntawd qhia txog kev txuag hav zoov, txuag huab cua dej av thiab hais txog yuav ua neeg ncaj ncees, txhob siv tej toob xib qub thiab yuav tsum muab coj los ua dua tshiab. Txoj kev ntshiab huv no, yog txhib kom ib tsoom neeg siv thoob los ntim tej yam sw thiab qias neeg, los sis cheb tog vaj tog tsev txhua lis piam. 
Tab sis thaum sawv daws cheb thiab khaws tej yam sw sw qias neeg coj mus pov tseg, mas yuav tau xav txog tias puas ua kev piam sij rau huab cua thiab tej xyoob ntoo. Vim li ntawd, lub hom phiaj ntawm kev ntshiab huv thiaj yog qhov tias yuav npaj ua li cas rau tej yam uas neeg cheb coj mus pov tseg. Kom txhob ua teeb meem rov rau neeg thiab huab cua nroj tsuag. Yog vim yuav tsum ua kom lub hom phiaj tiav, ces Txiv Plig Macatangay thiaj nqua hu kom cov tub kawm ntawv thiab cov muaj feem cuam sib koom tes ua. 
Txiv Plig Macatangay tsoom tub ntxhais hluas uas yog tub kawm, yog cov tiv thaiv thiab ua cov hauj lwm txuag txhua yam nyob hauv ntiaj teb no kom ntshiab huv. Ces vam tias ib tsoom tub ntxhais hluas nyob thoob ntiaj teb yuav muaj peev xwm ua thiab sib pab txuag txhua yam kom zoo tuaj. Tsis tas li ntawd, tsoom tub ntxhais hluas muaj feem cuam koom tes ua kom lub pov txwv Pas Pua ntshiab huv rais ua ib lub ceeb tsheej ntawm lub hiav txwv Pas Xis Fiv.