LUB ZOS PEM CIV NYOB SUAV TEB

Lub zim txwv no peb pom tias lub ntuj kub heev zuj zus. Tab txawm yog lub caij ntuj nag, tsis kav yog tshav ntuj 2-3 hnub xwb, mas tej av qhuav nkig nkuav. Ua rau sawv daws tej qoob loo muaj dej yug tsis txaus thiab tsis tau noj raws li siab xav lawm. Vim li cas thiaj zoo li no ? Yog vim zim txwv no tib neeg coob tuaj thiab tej liaj teb muaj tsawg, tib neeg ntov hav zoov thiab hlawv toj kom muaj teb ua noj. Tsis tas li ntawd xwb, tseem muaj tej hnab roj hmab tej pa roj ncho rau saum ntuj ua rau huab cua tsis zoo. Txhua yam no yog los ntawm tib neeg txhais tes los. Lub zos Pem Civ kuj zoo ib yam li ntawd. Pem Civ yog ib lub zos nyob Suav ciam teb kawg nkaus rau yav qaum teb npuas Lav Xias. Lub zos Pem Civ muaj toj roob hauv pes zoo nkauj kawg. Pem Civ nto npe tias yog ib lub zos zoo nkauj, vim lub caij ntuj no muaj te thiab daus npu poob los khov dawb paug ntawm tej ceg ntoo, saum tej ru tsev thiab tej tiaj nrag. Yog yus mus sawv saib, mas yuav pom tias te khov dawb paug qhov txhia chaw yam zoo nkauj kawg nkaus. Yav tag los tsoom pej xeem nyob hauv lub zos Pem Civ, yog khw nruab liaj nruab teb noj thiab lawv yug nees. Tab sis nyem no tsoom pej xeem hloov dua lawv txoj kev nrhiav noj nrhiav haus, yam li lawv tig los tos txais cov neeg ncig tsham teb chaws, lawv ua tej lub tsev txais qhua. Xyoo 2018, muaj neeg mus ncig tsham lub zos Pem Civ li ntawm 400,000 leej. Ces kev tos txais cov neeg ncig tsham teb chaws thiaj yog thawj txoj kev nrhiav noj nrhiav haus ntawm tsoom pej xeem.

Tus txhais : Lis Maib, Zoo Tswv Zov Yaj