TEB CHAWS IS TAS LIAS MUAB HAIS TXOG LUB NTUJ KUB LOS UA IB SOB KAWM NYOB HAUV TSEV KAWM NTAWV

Tseem hwv Is Tas Lias npaj muab qhov hais txog lub ntuj kub los qhia nyob hauv tsev kawm ntawv txhua txhua qib. Txij txheej qis mus txog qib siab yuav tsum raug kawm. Is Tas Lias yog thawj lub teb chaws uas muab qhov hais txog lub ntuj kub los ua kev kawm nyob hauv tsev kawm ntawv, thiab yuav pib qhia nyob rau lub 9 hlis xyoo 2020 no mus.
Tus pwm tsav fab kev kawm txuj nyob Is Tas Lias teb hais tias : Is Tas Lias teb yog thawj cov teb chaws uas muaj kev kawm txuj hais txog lub ntuj kub thiab kev ntseeg nyob hauv tiam 21 no. Tiam 21 no yog tiam ruaj khov lawm yav tom ntej, ces tsoom pej xeem yuav tsum tau kawm kom paub txog kev nyob thaj yeeb thiab ruaj khov. Tus pwm tsav fab kev kawm txuj hais ntxiv tias : sob lus kawm qhia hais txog lub ntuj kub, muaj lub npe hais txog kev pauv ntxeev ntawm huab cua thiab kev ruaj khov. Sob lus no yuav muaj qhia nyob hauv txhua txhua lub tsev kawm ntawv nyob thoob Is Tas Lias teb. Cov me nyuam 6 xyoo txog 11 xyoos, mas yuav tau kawm hais txog tej yam zoo thiab hais tej zaj dab neeg hais txog huab cua rau lawv mloog. Cov kawm qib 1 txog qib 6, mas yuav tau qhia kom lawv paub thiab to taub zoo txog lub ntiaj teb kev pauv ntxeev ntawm huab cua. Thaum lawv pib kawm qib siab, mas cov xib hwb qhia ntawv yuav kom cov tub kawm ntawv mus tshawb fawb hais txog kev txhim kho thiab kev nyob ruaj khov ntawm lub Leej Haum Kuj. Hais txog sob lus qhia txog lub ntuj kub, mas raug cov tub soj ntsuam txog huab cua siab heev nyob Is Tas Lias teb. Vim lawv ntseeg tias kev huab cua pauv ntxeev, yog thawj yam teeb meem loj. Ces tsis tsim nyog yuav cia cov me nyuam txheej neeg tom ntej yuav los daws kho thiab ris cov teeb meem no. Vim li ntawd, tseem hwv Is Tas Lias thiaj npaj muab sob lus hais txog lub ntuj kub los qhia nyob hauv cov tsev kawm ntawv, kom sawv daws paub txog kev pauv ntxeev ntawm huab cua thiab sib pab nrhiav kev daws cov teeb meem ntuj kub.

Tus txhais : Lis Maib, Zoo Tswv Zov Yaj