VAJ QHIA FOOM HMOOV ZOO RAU COV NEEG NTSEEG

Tab txawm nyob hauv lub tsev teev Ntuj hwm Leej Ntshiab Pob Zeb nyob Vas Tis Kas tsis muaj ib tug neeg ntseeg tuaj teev Ntuj, tsis kav Vaj Qhia sawv nyob ntawm qhov rais foom hmoov zoo rau ib tsoom neeg ntseeg sawv daws. Zaum no yog thawj zaug nyob Vas Tis Kas uas tsis muaj ib tug neeg tuaj sib koom ua thaj txi Ntuj, yog vim tus kab mob sab foob Covid-19. Cov tseem hwv Is Tas Lias xav kom Vaj Qhia nyob twj ywm hauv tsev thiab txhob tawm mus qhov twg li, tab sis Vaj Qhia tsis mloog tseem hwv Is Tas Lias cov lus hais, Vaj Qhia tseem hnoos me ntsis thiab nws tsis xis nyob. Hnub tim 15 lub 3 hlis no, Vaj Qhia tawm mus thov Ntuj nyob hauv 2 lub tsev teev Ntuj nyob Los Mas. Yam li yog lub tsev teev Ntuj Basilica Of Santa Maria Maggiore thiab lub tsev teev Ntuj Via delcorso. Vaj Qhia thov Ntuj rau lub ntiaj teb neeg thiab cov neeg ntseeg, thov kom kev sib kis tus kab mob Covid-19 no yaj mus thiab tsis txhob sib kis ntxiv lawm. Vaj Qhia txhob txwm taug kev mus ko taw li ntawd mus rau 2 lub tsev teev Ntuj, zoo yam li yog Vaj Qhia zoo siab tiv tus kab mob Covid-19 thiab ua kev tsim koob hmoov rau ib tsoom neeg nyob ntiaj teb.