KEV TXIAV TXIM RAU TUS POJ NIAM HIS NTUS

Lub tsev txiav txim nyob hauv nroog Thas Kas, nyob Npees Las Des teb tau txiav txim rau ib tug poj niam His Ntus, kom nws tau txais nws tus txiv lub cuab tam tag nrho, tom qab uas nws tus txiv tuag lawm. Cov kws lij choj hais tias : tsis hais liaj teb ciam dej ciam av uas yog nws tus txiv ntiag tug, mas yuav muab faib tsis tau. Ces tus poj niam His Ntus ntawd yog tus tau txais nws tus txiv lub cuab tam tas nrho, vim nkawd yog niam txiv thiab muaj ntaub ntawv sib yuav raug cai. Kev txiav txim no ua rau tas ib tsoom tub ua hauj lwm saib xyuas kev ncaj ncees pom tias : kev txiav txim ntawm cov kws lij choj los sis lub tsev txiav txim nyob Thas Kas, mas yog ib txog kev ncaj ncees tiag hais txog kev ua niam txiv nyob. Feem ntau cov poj niam His Ntus nyob Npees Las Deb teb, mas tsis tau txais kev ncaj ncees, vim tsis muaj ib cov tseem hwv twg yuav saib cov poj niam His Ntus muaj nqis tshaj cov Mawv Xis Lim. Vim li ntawd, tus poj niam His Ntus ntawd nws tau txais nws tus txiv lub cuab tam, thiab nws ua neej nyob sov siab. Nws tsis tau thov mus nyob hauv nws niam nws txiv tsev, los sis lwm tus txheeb ze lub tsev.