TSEEM HWV THAIB YUAV XYUAM XIM THIAB MLOOG PEJ XEEM LUS.

Tam sim no muaj cov tub ntxhais hluas kawm ntawv sib sau tawm tsam tiv cov tseem hwv nyob hauv tuam ceeb Bangkok. Muaj tej tus neeg raug cov tub ceev xwm ntes lawm. Cov tub ntxhais hluas kawm ntawv lawv xav ntiab cov tseem hwv kom tawm mus, vim yog pab nom no tsis tau yog los ntawm kev xaiv tsa 6 xyoo tag los thiab lawv yog pab nom tub rog xwb. 
Tsaib no rov qab muaj kev xaiv tsa thiab tus thawj pwm tsav prayut kuj tau rov los ua thawj pwm tsav, tab sis muaj ntau tus kws lij choj uas xyav txog tus thawj pwm tsav lub npe kuj raug txwv tsis pub tawm mus qhov twg. 
Cov tub ntxhais kawm ntawv tawm tsam hais tias : thov kom cov tseem hwv Thaib tawm mus thiab txhob siv txoj cai tub rog los kav teb chaws, yuav tsum hloov txoj cai muaj vaj huam sib luag los kav raws li txoj cai Thaib. Vim nyob Thaib teb tus vaj Thaib yog tus loj tshaj thiab yog leej twg ua txhaum los sis hla txoj cai, mas yuav tsum raug txim. Tsoom pej xeem Thaib feem coob lawv ntshai tsam cov tub ntxhais kawm ntawv rov qab ua kev kub ntxhov xws li ntau ntau zaus yav tag los. Tab sis ib feem kuj sawv nyob ntawm cov tub ntxhais kawm ntawv tog, vim cov tub ntxhais yog qhov chaw ruaj khov thiab kev cia siab rau yav tom ntej. 
Muaj qee lub teb chaws muaj teeb meem txog ntawm cov hluas thiab cov laus, tab sis Thaib teb cov hluas thiab cov laus xav ib yam, vim sawv daws xav kom muaj kev twj lij thiab kev ncaj ncees. Cov tub ntxhais hluas kawm ntawv tab tom tawm tsam taij thov kom cov tseem hwm tawm mus, thiab rov xaiv tsa dua pab nom tshiab los siv txoj cai tshiab, kom tsoom pej xeem muaj cai koom nrog cov tseem hwv thiab tus vaj Thaib uas yog los ntawm kev xaiv tsa ncaj ncees. Lawv tseem thov kom tsis txhob quab yuam thiab tua cov tawm tsam xws yav tag los. Tab txawm tias kev tawm tsam taij thov yuav tsis tshwm sim tam sim no, tsis kav ntau pab neeg xav tias txog caij lawm uas Thaib teb tsim nyog yuav hloov dua pab nom tshiab thiab kom Thaib teb muaj vaj huam sib luag ntau dua qub.